| Mơđah tơbleăng um tơbâ 47 hơnăm tơleăng lĕm Kon Tum |
| 16-3-2022 |
|
- Koh phiu roh leh tơbâ 47 hơnăm hâi tơleăng lĕm kong pơlê Kon Tum (16/3/1975 – 16/3/2022), 69 hơnăm hâi mơjiâng mơngế xup um Việt Nam, kơxê lơ 15/3, a tíu meăn um tơbâ ƀlêi trâng a Plông kân Tíu xiâm pơlê kân Măng Deang, tơring Kon Plông, Khu pơkuâ văn hok – ngê̆ thuât kong pơlê Kon Tum tơrŭm ƀă Vi ƀan tơring Kon Plông tơkŭm po pơxiâm po mơđah tơbleăng um ngê̆ thuât. Mơđah tơbleăng um ngê̆ thuât xua Khu pơkuâ văn hok – ngê̆ thuât kong pơlê Kon Tum tơrŭm ƀă Vi ƀan tơring Kon Plông tơkŭm po tơbleăng 120 kơtâ um dêi 12 ngê̆ sih xup um.
Kuăn pơlê ƀă tơmối ôm lăm ngăn mâu kơtâ um lĕm a tíu mơđah tơbleăng
Kố pơrá cho mâu um hiăng veăng roh mơđah tơbleăng râ tơnêi têa ƀă kơpong. Tung mê hên um châ kâ pri a mâu roh tơ’noăng um tung tơnêi têa ƀă kong têa ê. Mơđah tơbleăng tơkŭm po sap ing hâi lơ 15 troh lơ 25/3 - tro ƀă hâi khế ƀă tơ’noăng mơđah tơbleăng khôi túa lĕm tro mâu hdroâng kuăn ngo kơpong Trường Sơn -Tây Nguyên roh má III hơnăm 2022 ƀă vêh lôu péa a mâu tíu ôm hyô tung kong pơlê xua mê kô pro tơdjâk lĕm.
|
| A Sa Ly tơplôu ƀă tơbleăng |
| Số lượt xem:858 |
