-Tung hneăng lăm pêi cheăng a kong pơlê Quảng Ninh, kơxo lơ 6/4, pôa Nguyễn Phú Trọng, Kăn xiâm pơkuâ hnê ngăn Đảng pơkuâ djâ troăng ăm khu pêi cheăng dêi Tíu xiâm hiăng troh lăm séa ngăn mơhnhôk tâi tâng mâu ngế kăn ƀô̆ kŏng nhân dêi kŏng ti veăng tơlo liăn Than Vàng Danh – Vinacomin tung pơlê kong kơdrâm Uông Bí.
Pôa Nguyễn Phú Trọng, Kăn xiâm pơkuâ hnê ngăn Đảng lăm pôu pêi cheăng a kong pơlê Quảng Ninh
Klêi troh lăm ngăn tơdroăng rêh ối dêi mâu kăn ƀô̆, mâu ngế ki pêi cheăng Tíu ối tơchoâm dêi hngêi ối mâu ngế pêi cheăng dêi kŏng ti, tơpui tơno hmâ ƀă krâm kuăn pơlê, kih thuâ̆t viên, pôa Nguyễn Phú Trọng tối hnoăng cheăng ki kal ƀă tơdroăng hmâ pêi pro sap nah dêi mâu kŏng nhân Việt Nam tối tơchoâm ƀă dêi kong pơlê Quảng Ninh tối krê ing ton nah troh nôkố cho khên tơnôu tung tâi tâng mâu rôh tá tung tơdroăng tơplâ, tung tơdroăng pro hơniâp ƀă tung tơdroăng mơjiâng ƀă kring vế tơnêi têa nôkố.
Tiô pôa Nguyễn Phú Trọng yai kâp kŏng nhân Việt Nam đi đo ai mâu tơdroăng pêi pro krê xêh ôh tá xê tomâu ngế pêi cheăng rơkê mê thế ai tơdroăng rêh ối tơniăn ƀă ‘nâi pâ dêi rơpó, hơ-ui kum dêi rơpó.
 |
 |
 |
 |
 |
 |
 |
 |