- Klêi tí tăng ‘nâi plê̆ng ‘na tơdroăng tơnêi tơdro a tơring Kon Plông, kơxo lơ 21/4, khu pêi cheăng dêi khu hnê mơhno tơnêi têa ‘na hbrâ ví xía vâ kong prâi pro ôh tá tơniăn ƀă tŏng xo mâu ngế hliăng tiâ a kong pơlê Kon Tum. Tiô tối tơbleăng, mơhé hâi hlo ai hlâ mơngế xuân môi tiah tro lup tơmeăm, tung rôh tơnêi tơdro, tung pơla hdrối kố nah pro kuăn pơlê tô tuăn.

Khu kăn pêi tơdroăng cheăng Khu ngăn hbrâ ví xía vâ kong prâi pro ôh tá tơniăn ƀă khu TKCN kong pơlê Kon Tum

Ing mê, tơdroăng tí tăng ‘nâi plĕng ing mâu kăn tơring Kon Plông kong pơlê Kon Tum ƀă kăn teăng mâ mâu khu râ kơvâ cheăng, xuân môi tiah mâu ki rơkê, khu hnê mơhno cheăng dêi tơnêi têa ‘na hbrâ ví xía vâ kong prâi pro ôh tá tơniăn tối tiah kố, ki hdrối, kal tơkŭm a tơdroăng séa ngăn mâu tơdroăng tơdjâk ƀă ki tơdjâk ing mâu rôh tơnêi tơdro, hiăng hlo a tung kong pơlê. Achê kố kal athế mơdêk hnê tối, mơhnhôk kum kuăn pơlê, mâu kăn cheăm  tơring hlo ki rơ-iô, kơlo ki tơdjâk xuân môi tiah tơdjâk ing tơnêi tơdro vâ hbrâ ví.