Sêdang - Tiô pôa Dương Anh Đức, Kăn phŏ hnê ngăn Vi ƀan Pơlê kong kân Hồ Chí Minh, sap hâi lơ 15/9 troh mơ’nui khế 9, Pơlê kong kân Hồ Chí Minh xuân pêi pro klâ kơtăn pơlê pơla tiô pơkâ 16 ƀă 16+, mâu pơlê kân ki pơreăng hiăng kơdroh tơniăn ôh tá pêi pro môi tiah Cần Giờ, Củ Chi, pơlê kân 7 mê pêi pro Pơkâ 16- lơ Pơkâ 15+. Kăn phŏ hnê ngăn Vi ƀan pơlê kong kân Hồ Chí Minh xuân tối ăm ‘nâi pơlê kong kân Hồ Chí Minh dế hriăn plĕng pêi pro ‘’theh ngiât’’, ‘’theh trĭng'’ lơ troăng pêi tiah mê vâ pro pơhôi tơdroăng klâ kơtăn ăm mâu ngế ki tơniăn.

 

Laga, nôkố tơdroăng ki chêh mơnhên pâk pơkeăng vaccine dêi kuăn pơlê a pơlê kong kân tung kơmăi vi tĭnh xuân tá hâi chêh tơ’nôm tŭm, tơdâng. Ƀă mâu xiâm kối mê, pơlê kong kân Hồ Chí Minh tá hâi chiâng vâ pro pơhôi klâ kơtăn a hâi lơ 15/9 kố ƀă kô pêi pro tiô pơkâ ‘’tơniăn troh alâi mê lôu péa troh amê’’.