Chủ nhật, ngày 25 tháng 2 năm 2024
banner
Kŏng ti xiâm ngế ki hlâ ai hnoăng tơnêi têa kăch măng, ai hnoăng kăch măng a Kon Tum
14-4-2022

Kơxo lơ 13/4, a pơlê kong kơdrâm Kon Tum, Kŏng ti  xiâm Tân Cảng Sài Gòn (Cho Khu lêng tuk) tơrŭm ƀă Khu ngăn tơdroăng kal kí dêi Đảng kog pơlê Kon Tum  tơkŭm po Diâp pơkâ păn roăng nhŏng o xiâm dêi ngế ki hlâ ai hnoăng tơnêi têa , mâu ngế ai hnoăng kăch măng ƀă diâp hnoăng liăn “ Eăng bâ tơdroăng púi vâ’’ hơnăm 2022 ăm hok tro ai tơdroăng rêh ối xơpá mơ-eăm hriâm.

 

Diâp hnoăng liăn “ eăng bâ tơdroăng púi vâ ‘ hơnăm 2022 ăm mâu vâi o hok tro

 

A rôh leh, Kŏng ti  xiâm Tân Cảng Sài Gòn hiăng diâp Pơkâ xo păn roăng 10 ngế nhŏng o xiâm ki hlâ ai hnăng bă rơpŏng hngêi ai ngế ai hnoăng kăch măng a 4 tơring dêi kong pơlê Kon Tum, mê cho: Kon Plông, Kon Rẫy, Đăk Glei ƀă Đăk Hà. Ing mê, rêm khế Kŏng ti  xiâm Tân Cảng Sài Gòn kô tŏng kum, lăm pôu hbru tơmeăm ăm mâu rơpŏng hngêi drêng troh lêh, tets ƀă tâi tâng kơxô̆ liăn rêm hơnăm ăm môi rơpŏng hngêi dâng 22 rơtuh liăn ƀă hâi khế xo păn roăng  pơxiâm ing khế 4/2022.

Rôh kố, Kŏng ti  xiâm Tân Cảng Sài Gòn xuân kum mơjiâng pro 5 toăng hngêi tuăn pâ a 2 tơring Sa Thầy ƀă Kon Plông rêm toăng hngêi kơnâ 80 rơtuh liăn ing kơxô̆ liăn  tŏng kum dêi Tổng kŏng ti; diâp hnoăngliăn “ eăng bâ púi vâ’’ hơnăm 2022 ăm 10 ngế hok tro tung kong pơlê Kon Tum ai tơdroăng rêh ối xơpá mơ-eăm mơnhông tung hriâm, rêm hnoăng liăn kơnâ 4 rơtuh liăn.

 

Gương tơplôu ƀă tơbleăng
Số lượt xem:165
line_weight BÀI VIẾT LIÊN QUAN:
Ho tro
Hinh Anh

 

TRANG THÔNG TIN PHỔ BIẾN VÀ GIÁO DỤC PHÁP LUẬT HUYỆN ĐĂK HÀ - TỈNH KON TUM
Cơ quan chủ quản: Phòng Tư pháp huyện Đăk Hà, tỉnh Kon Tum.
Người chịu trách nhiệm chính: Trưởng phòng Tư pháp huyện Đăk Hà.
Địa chỉ: Đường Hùng Vương, thị trấn Đăk Hà, huyện Đăk Hà, tỉnh Kon Tum; Điện thoại: 02603.822262; Email: tuphapdakha@gmail.com.

60985 Tổng số người truy cập: 192 Số người online:
TNC Phát triển: