Thứ 6, ngày 29 tháng 3 năm 2024
banner
Pôa Vương Đình Huệ, Kăn xiâm hnê ngăn Kuô̆k hô̆i tơpui ƀă pôa Samdech Heng Samrin, Kăn xiâm hnê ngăn Kuô̆k hô̆i Kul
15-9-2022


Kơxê lơ 12/9, pôa 
Vương Đình Huệ, Kăn xiâm hnê ngăn Kuô̆k hô̆i hiăng tơdah hlối tơpui tơno ƀă pôa Samdech Heng Samrin, Kăn xiâm hnê ngăn Kuô̆k hô̆i Kul lăm pôu Việt Nam. Pôa Vương Đình Huệ tối, Việt Nam đi đo nhoăm ƀă mơdêk tơrŭm cheăng ƀă kong têa ki “ achê tơniăn lĕm, tơrŭm tơ-rôa tiô hmâ ton nah, tơrŭm tung tŭm tơdroăng, krá tơniăn ton’’ ƀă Kul, xuân môi tiah tơrŭm cheăng môi tuăn dêi rơpó Pái kong têa Đông Dương.
 

Pôa Vương Đình Huệ, Kăn xiâm hnê ngăn Kuô̆k hô̆i tối tiah kố, vâ mơdêk ‘mâi mơnhông cheăng kâ-rêh ối, péa pâ thế rĕng kĭ tơhrâ tơmơdró a tíu tơkăng kong, pêi pro tơ-brê tơdroăng chêh tung Hlá mơ-éa chôu vế ‘na mơnhông mơdêk ƀă tơdjêp mơjiâng tơmeăm khoăng tê mơdró a tíu tơkăng kong; tơbleăng pêi tơ-brê tơdroăng kĭ tơhrâ mơnhôk ƀă kring vế ‘no liăn cheăng ƀă kĭ Tơhrâ ví nâp hnoăng mơhá péa hdrôh. Kuô̆k hô̆i péa tơnêi têa rơtế ƀă dêi rơpó tăng troăng pro tơ’lêi hlâu tâ nếo ăm mâu khu mơdró. Việt Nam kô pơtối  mơhnhôk mâu khu mơdró ‘no liăn cheăng a kong têa Kul.

 

 


Gương tơplôu ƀă tơbleăng
Số lượt xem:158
line_weight BÀI VIẾT LIÊN QUAN:
Ho tro
Hinh Anh

 

TRANG THÔNG TIN PHỔ BIẾN VÀ GIÁO DỤC PHÁP LUẬT HUYỆN ĐĂK HÀ - TỈNH KON TUM
Cơ quan chủ quản: Phòng Tư pháp huyện Đăk Hà, tỉnh Kon Tum.
Người chịu trách nhiệm chính: Trưởng phòng Tư pháp huyện Đăk Hà.
Địa chỉ: Đường Hùng Vương, thị trấn Đăk Hà, huyện Đăk Hà, tỉnh Kon Tum; Điện thoại: 02603.822262; Email: tuphapdakha@gmail.com.

63873 Tổng số người truy cập: 158 Số người online:
TNC Phát triển: